ސިކްސް ސެންސަސް އިން ލ. އަތޮޅުގައި ހިންގާ ރިސޯޓް ހަދާފައިވާ އޮޅުވެލީގެ ފަޅުން ބައެއް، އެ އަތޮޅު މާމެންދޫގެ އިހްތިސޯސްގެ ތެރެއަށް ވަންނާތީ، އެބައި މާމެންދޫ އިހުތިސޯސުން އުނިކޮށްފި އެވެ.
ލާމަރުކަޒީ ގާނޫނުގެ ދަށުން މިދިޔަ ސަރުކާރުން ރަށްރަށުގެ އިހްތިސޯސް ކަނޑައެޅި އިރު، ރިސޯޓުގެ ފަޅުން ބައެއް މާމެންދޫގެ އިހްތިސޯސްގެ ތެރެއަށް ވަދެ އެވެ. އެގޮތުން، ރިސޯޓުގެ ސަޕްލައި ޖެޓީ އާއި ޓޫރިސްޓުން ގޮވައިގެން ފީނަން ދާ ސަރަހައްދު ވެސް އޮންނަނީ މާމެންދޫގެ އިހްތިސޯސްގެ ތެރޭގަ އެވެ.
އެކަން އިސްލާހުކޮށް ރައީސް ޑރ. މުހައްމަދު މުއިއްޒު މިއަދު ނެރުއްވި ގަރާރުގައި ވަނީ މާމެންދޫގެ އިހުތިސޯސް ތެރެއަށް ވަންނަ އޮޅުވެލި ފަޅުގެ ބައި، މާމެންދޫގެ އިހުތިސޯސުން އުނިކޮށްފަ އެވެ.
އެހެންވެ، އެކަން އިސްލާހު ކުރުމަށް މާމެންދޫއިން އެދުމުން، ރައީސް މުހައްމަދު މުއިއްޒު މިއަދު ނެރުއްވި ރިޔާސީ ގަރާރަކުން ވަނީ އެ ބައި އުނިކޮށްފަ އެވެ.
މިހާރު މާމެންދޫގެ އިހްތިސޯސްގެ ތެރޭގައި އޮތީ، އެ ރަށް ކައިރީގައި އޮންނަ ފަޅުރަށެއް ކަމުގައިވާ ހުޅިމެންދޫ އެކަންޏެވެ.
