ފެނަކަ ކޯޕަރޭޝަންގެ ކުރީގެ މެނޭޖިން ޑިރެކްޓަރު އަހުމަދު ސައީދުގެ ޕާސްޕޯޓް ހިފަހައްޓައިފި އެވެ.

"މާލެ ޓައިމްސް" އަށް އެނގިފައިވާ ގޮތުގައި ސައީދުގެ ޕާސްޕޯޓް ހިފަހައްޓާފައިވަނީ އެންޓީ ކޮރަޕްޝަން ކޮމިޝަން (އޭސީސީ)ން ބަލަމުންދާ މައްސަލަތަކާ ގުޅިގެންނެވެ. އޭނާގެ ޕާސްޕޯޓް ހިފަހައްޓާފައިވަނީ މިމަހުގެ 9 ވަނަ ދުވަހުގަ އެވެ.

ފެނަކައިގެ މިހާރުގެ މެނޭޖުމެންޓުން ވަނީ އެ ކުންފުނީގެ ކުރީގެ މެނޭޖުމެންޓާ ގުޅުވައި ހިޔާނާތުގެ ގިނަ މައްސަލަތަކެއް އޭސީސީއަށް ހުށަހަޅައިފަ އެވެ. އޭސީސީން މީގެ ކުރިން ބުނެފައިވަނީ ސައީދުއާ ގުޅޭގޮތުން އެ ކޮމިޝަނަށް ހުށަހަޅާފައވާ ހަ މައްސަލައެއް ބަލަމުންދާ ކަމަށެވެ.

އެ މައްސަލަތަކުގެ ތަފުސީލެއް އޭސީސީން ހާމައެއް ނުކުރެ އެވެ.