އިސްލާމީ ކަންކަމާބެހޭ ވަޒީރު ޑރ. މުޙަންމަދު ޝަހީމް އަލީ ސައީދަށް މަރުގެ އިންޒާރު ދިން މައްސަލަ ފުލުހުން ބަލަން ފަށައިފިއެވެ.
ފުލުހުން ބުނީ މިނިސްޓަރ ޝަހީމަށް މަރުގެ އިންޒާރު ދީފައިވާ މައްސަލަ ހުށަހަޅާފައި ވަނީ އިއްޔެގެ ވަގުތެއްގައި ސިޓީއަކުން ކަމަށެވެ. މި މައްސަލަ މިހާރު ފުލުހުން ދަނީ ތަހުގީގު ކުރަމުން ކަމަށް ފުލުހުންގެ އިދާރާއިން ވަނީ ބުނެފައެވެ. ނަމަވެސް މިކަމާގުޅޭ އިތުރު މައުލޫމާތެއް ފުލުހުން އަދި ހާމައެއް ނުކުރެއެވެ.
މިނިސްޓަރ ޝަހީމަށް މަރުގެ އިންޒާރުދިން މައްސަލައެއް ފުލުހުން ބަލަމުން އަންނައިރު، ދާދިފަހުން ވަނީ ރައީސް ޑރ. މުއިއްޒަށްވެސް މަރުގެ އިންޒާރު ދިން މައްސަލައެއް ފުލުހުން ބަލަން ފަށާފައެވެ.
