ރައީސް ޑރ. މުޙަންމަދު މުއިއްޒު ބޭނުންފުޅު ވަނީ ކުރީގެ ސަރުކާރޭ ކިޔައިގެން ވަގުތު ބޭކާރު ނުކޮށް، ޖިނާއީ އަދުލުގެ ނިޒާމު ހަރުދަނާ ކުރަން ކަމުގައި ކުރީގެ ޕްރޮސިކިއުޓަރ ޖެނެރަލް މުހުތާޒް މުހްސިން ވިދާޅުވެއްޖެއެވެ.
އޭނާ މިހެން ވިދާޅުވީ ގިނަ އަދަދެއްގެ ކުށްވެރިން މީގެކުރިން ދޫކޮށްލުމާއި ގުޅިގެން ކުށުގެ ވެށި އިތުރަށް ގޯސްވެފައިވާ ކަމަށް ފުލުހުން ވިދާޅުވުމުން، އެކަމަށް ރައްދު ދެއްވައި، ކުރީގެ ޑިފެންސް މިނިސްޓަރ މާރިޔާ އަޙްމަދު ދީދީ ވިދާޅުވި ވާހަކަފުޅަށް ރައްދު ދެއްވަމުންނެވެ.
ގިނަ އަދަދެއްގެ ކުށްވެރިން މީގެ ދިހަވަރަކަށް މަސް ދުވަސް ކުރިން ދޫކޮށްލުމާއި ގުޅިގެން ކުށުގެ ވެށި އިތުރަށް ގޯސްވެ، އެކަންކަން ޙައްލު ކުރަން ޖެހިފައިވާ ކަމަށް ފުލުހުން ވިދާޅުވުމުން މާރިޔާ ވިދާޅުވީ ރައީސް ޑރ. މުޙަންމަދު މުއިއްޒު ވެރިކަމާ ހަވާލުވެވަޑައިގަތް ފަހުންނާއި، އަދި އެފަހުން އޮތް ރައްޔިތުންގެ މަޖިލީހުގެ އިންތިޚާބާއި ގުޅިގެން ޖަލުން ދޫކޮށްލި ކުށްވެރިންގެ އަދަދު ހާމަކުރުމަށް ސަރުކާރަށް ގޮވާލައްވާ ކަމަށެވެ.
އެ ވާހަކައަށް ރައްދު ދެއްވައި މުހުތާޒު ވިދާޅުވީ ޤާނޫނުގެ ބޭނުން ނަހަމަ ގޮތުގައި ބޭނުން ކުރުމަކީ އާ ސަރުކާރުގެ ސިޔާސަތެއް ނޫން ކަމަށެވެ.
"ކުރީގެ ސަރުކަރޭ ކިޔައިގެން ވަގުތު ބޭކާރު ނުކޮށް ހުއްޓިފައިވާ ޖިނާއީ އަދުލުގެ ނިޒާމު ހަލުވި ކުރުމަށް ރައީސް މުއިއްޒު ގެންދަވަނީ މަސައްކަތް ކުރައްވަމުން. ނަތީޖާ ވ އަވަހަށް ފެނިގެންދާނެ" މުހުތާޒު ވިދާޅުވިއެވެ.
