"ޓޫރިޒަމް އެންޑް އޭވިއޭޝަން – އަ ސިމްބައޮޓިކް ރިލޭޝަންޝިޕް" ގެ ނަމުގައި އޭސީއައި ވޯލްޑުން ކުރިޔަށް ގެންދިޔަ ޕެނަލް ޑިސްކަޝަނެއްގައި މޯލްޑިވްސް އެއާރޕޯޓް ކޮމްޕެނީ (އެމްއޭސީއެލް) ގެ ސީއީއޯ އަދި އެމްޑީ ޝަރީފް ބައިވެރި ވެއްޖެއެވެ.
"ވީއޭޖީއޭ 2024″ ގެ ނަމުގައި ސަޢޫދީ ޢަރަބިއްޔާގެ ވެރިރަށް ރިޔާދުގައި ކުރިއަށް ދިޔަ ފެއާރ އެއްގައި އޮތް މި ޕެނަލް ޑިސްކަޝަންގައި ވާހަކަ ދައްކަވަމުން ފަތުރުވެރިކަމާއި، ވައިގެ ދަތުރުފަތުރާއި، ހުރި ގުޅުމާއި ބޭހޭގޮތުން މަޝްވަރާ ކުރެވިފައި ވެއެވެ.
ޝަރީފްގެ އިތުރުން އެހެން ބައެއް ޤައުމުތަކުގެ އެއާޕޯޓު ތަކުގެ ވެރިންވެސް ވަނީ މި މަޝްވަރާ ބައްދަލުވުމުގައި ބައިވެރިވެފައެވެ. އެގޮތުން ސައުދީ ހިމެނޭހެން އިތުރު ދެގައުމެއްގެ އޮފިޝަލުން ބައިވެރިވެފައިވާކަން ފާހަގަ ކުރެވުނެވެ.
